Përplasja me prokurorin, Arbër Çekaj kërkon përfaqësues të ambasadës së SHBA

Është shtyrë sërish vendimi për biznesmenin Arbër Çekaj ndërsa mësohet se kjo u bë për shkak se në seancë nuk morën pjesë avokatët.

Gazetari i Fax News, Sokol Dama raporton se  nuk ishin prezent avokatët e Donaldo Lushës, Ardjan Visha, dhe Arben Prenga, për të cilët gjykata vendosi gjobë në shumën e 5 mijë lekëve dhe pezulloi afatet e paraburgimit të 3 të pandehurve deri në datën 19:00 ora 10:00 kur u la seanca e radhës.

Arbër Çekaj ka bër kërkesë që të jenë të pranishëm përfaqësues të Ambasadës Amerikane, ndërkohë vlen të theksohet edhe përplasja e tij me prokurorin Ervin Kondili.

Çekaj e ka nisur me përplasje dhe akuza seancën pararendëse me prokurorin Edvin Kondili, që sipas tij po e sulmon në mënyrë personale, vetëm prej faktit se ai është nga Tropoja.

“Nuk vazhdoj më me prokurorin Kondili, ai e ka personale me mua. Unë jam proceduar vetëm për shkak të mbiemrit. Prokurori Kondili ka manipuluar provat dhe ka përhapur lajme të pavërteta. Jam në burg se jam nga Tropoja, i cili nuk i pëlqen prokurorit. Unë nuk dua ta lëndojë as prokurorinë dhe as familjen e tij. Ka nxjerrë të dhëna të tjera dhe emra që kanë rrezikuar jetën e familjarëve të mi, unë nuk do e bëja kurrë këtë për familjen e prokurorit. Kondili ka kaluar në kurrizin tim vettingun, është bërë vip dhe është sot në SPAK”, është shprehur Çekaj në seancë ndërsa ka ngritur edhe padi ndaj prokurorit (lexo këu).

Kujtojmë se Arbër Çekaj është ekstraduar disa muaj më parë pasi akuzohet për trafikimin e 613 kilogramëve kokainë kolumbiane që u zbulua ne magazinat e kompanisë së tij Arbri Garden në Maminas, ndërsa për rreth një vit u mbajt i arrestuar në Gjermani, derisa u vendos ekstradimi i tij drejt Shqipërisë.

(F.GJ/FAXWEB.AL)