Një incident u shënua paraditen e sotme në qytetin e Shkodrës, ku Policia Bashkiake u përplas me Policinë e Shtetit për shkak të dy aktiviteteve të ndryshme në një vend. Bëhej fjalë për çadrën e bashkisë në Ditën Ndërkombëtare të Familjes, nga njëra anë dhe podiumit për kryeministrin Rama që do të mbajë këtë pasdite takimin me të rinjtë e Shkodrës.
E duket se ka fituar Policia Bashkiake, ka “fituar” Voltana Ademi. “Rozafa TV” bën me dije se çadra e bashkisë u ngrit në kuadër të aktivitetit sensibilizues. Përballë kësaj situate, punonjësit e ngarkuar për ngritjen e fonisë nisën punën përpara institucionit të Prefekturës, aty ku dhe raportohet të ishte marrë leja zyrtare.
Incidenti shkaktoi edhe reagimin e kryebashkiakes Ademi, e cila e cilësoi ndërhyrjen e Policisë së Shtetit të jashtëligjshme dhe i bëri thirrje kryeministrit Rama të mos provokonte.
(XH.A/SHUPLAKA)
Discussion about this post