Kreu i Partisë Agrare Ambientaliste, Agron Duka, i ftuar në “Fax News” ka folu rreth zhvillimeve të fundit politike në vend.
Ai ka deklaruar se kjo qeveri nuk mund të shkëputet prej krimit sepse është e kapur. Duka tha se për të mbaruar një punë duhet të kapësh të fortin e lagjes para se të shkosh në institucione.
Unë gjykoj se nëse ka vullnet pozitiv mund të pastrohet në një farë mënyre politika, se asnjëherë nuk arrihet 100% sepse të fortit kanë ndikim. Kjo qeveri nuk e bën këtë ndarje sepse është peng. Shpesh herë për të mbaruar një punë duhet të kapësh të fortin e lagjes sepse pot ë kapësh kryetarin e Bashkisë të thotë prit gjysë, se do të marri të fortin në telefon”, tha ai.
Kreu i PAA-së gjithashtu ka folur edhe për raportin me Berishën duke qenë se në vitin 2005 ai kishte patur përplasje të forta me ish-kryeministrin.
Duka tha se ka patur përplasje të forta por se ato që ka thënë Berisha në atë kohë nuk ishin të vërteta pasi ndryshe ai do të ishte pas hekurave, duke shtuar se Berisha e kishte akuzuar duke pasur parasysh informacione të marra në rrugë të ndryshme dhe që ai i kishte besuar.
Berisha është natyrë kështu, që kur sheh një kundërshtar që I pengon forcës së tij politike bëhet i egër, por pavrësisht se duket një person diabolik, shpesh i përthith informacionet që i vijnë nga të tjerët dhe i nxjerr, kjo ka nodhur dhe në rastin tim, por ishin të pavërteta se ndryshe unë do isha prapa hekurave.
Pasi dola te e djathta avash u rregulluan marrëdhëniet, kam pasur raste 2-3 herë që kam komunikuar me të dhe gjykoj se është shtuar respekti ndërmjet njëri tjetrit. Berisha është njeri i fjalës së dhënë dhe këtë e ka treguar edhe në politikë”, tha Duka. (B.H/Faxweb)
