Përplasja në detin e Japonisë, humbin jetën 7 marinsa amerikanë

Detarët që u zhdukën pasi luftanija amerikane “USS Fitzgerald” u përplas me një anije kontejnerësh jashtë detit të Japonisë, u gjetën të vdekur, thotë Marina amerikane.

Kjo përplasje ndodhi të shtunën në orët e para të mëngjesit, ndërsa humbën 7 marinarë amerikanë, teksa një helikopter evakuoi tre anëtarë të lënduar të ekuipazhit.

Trupat u gjetën vetëm pak orë pas përplasjes dhe do të dërgohen në një spital japonez për t’u identifikuar.

Incidenti ndodhi rreth 56 milje detare (104km) në jug-perëndim të qytetit port japonez të Yokosukës, rreth orës 02:30 me orën lokale të shtunën.

Anija e marinës amerikane është dëmtuar rëndë pas përplasjes, por më vonë u rikthye ngadalë në bazën e saj në Yokosuka, me ndihmën e një anijeje tjetër të Marinës amerikane. (J.V/SHUPLAKA)