Ish-presidenti Bamir Topi ka reaguar së fundmi mbi debatin shoqëruar me akuza mes Presidentit të Shqipërisë, Bujar Nishani dhe shkrimtarit Visar Zhiti.
Në intervistën e dhënë mbrëmjen e djeshme në emisionin “Versus”, teksa u pyet se si e cilëson dekretimin e Xhafajt nga Nishani çka shkaktoi përplasjen e Kreut të Lartë të Shtetit me Zhitin, ish-presidenti është ndalur tek akuzat e Nishanit që e cilësoi shkrimtarin “spiun në burgun e Spaçit”.
Bamir Topi u shpreh se Visar Zhiti është një intelektual, një figurë e pastër, me një profil shumë të butë dhe dhimbje të madhe në shpinë:
“Sa i përket cështjes së Visar Zhitit, kam shprehur keqardhjen e madhe që në momentin e përplasjes së parë. Ai është një intelektual. Ai që e njeh për një profil shumë të butë, me një vuajtje ta madhë në shpinë. Dhe ti thuash atij që ka punuar si skllav, ti thuash që ti ke qenë bashkëpunërtor, ndërkohë që ligji për deklarimin e dosjeve është në veprim. Dhe faktet tregojnë që Visar Zhiti ka qenë një figurë e pastër. Është një gjë shumë e rëndë kur një zyrtar, interpreton mbi bazën e emocioneve. Institucioni nuk është i yti.”
(XH.A/SHUPLAKA)
