Sekretari i Përgjithshëm i Kuvendit, Genc Gjonçaj ka informuar sot para Komisionit të Ligjeve se Kuvendi nuk ka rrëzuar kandidaturat e ONM-së, duke lënë në fuqi rrjedhimisht listën e ONM-së.
Tre ditë më parë, Kuvendi publikoi listën e kandidatëve të shoqërisë civile që plotësonin kushtet. Lista nuk përkonte me listën e nxjerrë nga ONM-ja, pasi në listën e ONM, Entela Hoxhaj renditej e para në listë me 80 pikë ndërsa Alfred Balla sipas ONM-së ishte me 69 pikë.
Ndërsa sot, sekretari Gjonçaj tha se raporti është keqkuptuar nga mediat.
“Është Parlamenti, vota e deputetëve që vendos se kush do të jetë pjesë e KLP-së”- shtoi Gjonçaj.
‘Sqarimi’ i Gjonçaj nënkupton tërheqjen e Kuvendit dhe rikthimin e listës së ONM-së për kandidatët e KLP-së.
Kandidatët sipas vlerësimit të Kuvendit:
Alfred Balla – 80 pikë
Andi Muratej – 79 pikë
Mimoza Qinami – 78 pikë
Entela Hoxhaj përjashtohet për mospërmbushje të kushteve ligjore
Rekomandimi i ONM:
Entela Baci (Hoxhaj) – 81 pikë
Andi Muratej – 79.5 pikë
Mimoza Qinami – 79 pikë
Alfred Balla – 69 pikë
Kjo lëvizje vjen pasi në media qarkulloi një lajm se anëtarët e nxjerrë fitues nga Kuvendi ishin pjesë e lobimit të Fondacionit Soros.
(F.G/Faxweb)
Discussion about this post