Është miratuar pas përplasjeve PD-PS në Bruksel, Deklarata Përfundimtare e Komitetit të Stabilizim-Asocijimi mes BE-së dhe Shqipërisë. Pas kësaj ka reaguar edhe kreu i grupit socialiste Taulant Balla, i cili ishte shkaku i një debati të ashpër pozitë-opozitë në PE.
Me anë të një postimi në rrjetet sociale, kreu i Grupit Parlamentar të PS dhe njëherësh bashkëdrejtues i delegacionit Shqipëri-BE në Parlamentin Evropian, Taulant Balla shkruan se në deklaratën e nënshkruar sot thuhet: Rishprehim mbështetjen e plotë për hapjen e negociatave të anëtarësimit në Bashkimin Europian në Qershor 2019.
Ndërsa falënderon Parlamentin Europian, Balla shpreh keqardhjen e tij për debatin me opozitën.
“Faleminderit Parlamentit Europian?? grupeve më të mëdha politike nga e djathta
në të majtë?, për miratimin me unanimitet të Deklaratës Përfundimtare të Komitetit të Stabilizim-Asocijimit BE-Shqipëri, e cila fillon me këtë fjali:
Rishprehim mbështetjen e plotë për hapjen e negociatave të anëtarësimit në Bashkimin Europian në Qershor 2019?????. Jam krenar që Shqipëria ka këtë mbështetje kaq të madhe në PE.
Shënim: Jam i keqardhur për teatrin e radhës së opozitës edhe këtu, ku duhet të jemi të gjithë bashkë për Shqipërinë??? që Duam”, – shkruan Balla.
Kujtojmë se përplasja në fjalë “habiti” drejtuesit e lartë në PE, përfshi edhe Monica Macovein.
(B.B/ Faxweb.al)
Discussion about this post