Studentët e Universitetit Bujqësor Tiranë janë përplasur gjatë paradites së sotme verbalisht, gati dhe fizikisht në territoret e këtij ambienti me banorë të zones.
Konflikti midis Bashkisë së Tiranës dhe studentëve bashkë me pedagogët e tyre ka nisur për ndërtimin e një shkollë 9-vjeçare në këtë zone, gjë e cila prej disa ditësh ka nxitur protestat e këtyre të fundit për mosndërtimin e kësaj shkolle brenda territorit të universitetit të tyre (lexo ketu).
Pas shkëmbimit të replikave dhe gati-gati përplasjes fizike, studentët së bashku me një pjesë të stafit pedagogjik kanë akuzuar kryebashkiakun Veliaj se u ka sjellë për provokim dhe mashtrim të opinionit publik punonjës të Bashkisë Tiranë.
“Këta janë punonjës të Bashkisë Tiranë, që na i ka sjellë Veliaj si banorë të zonës, por që nuk janë aspak të kësaj zone”, tha një nga studentët.
Por nuk u nevojit shumë kohë që të paktën njëri nga protestuesit e mbërritur në UBT për të përkrahur projektin e Bashkisë, të identifikohet si një “militant i devotshëm”. Këtë e dëshmon foto e mëposhtme ku i njëjti person që u shfaq mjaft aktiv në përplasjen tek UBT, shihet në një tryezë me drejtues të lartë të Partisë Socilaiste në kryeqytet si dhe deputetë të kësaj partie.
(F.GJ/FAXWEB.AL)
Discussion about this post