Ditën e hënë rrethi i Fierit u zgjua nga tronditjet e forta të tokës, të cilat fillimisht u raportuan për lëkundje tërmeti, por pas verifikimeve u mësua se ishin shkaktuar nga kompania “Bankers Petrolium”, e cila ka në administrim puset e naftës.
Banorët e fshatit Zharrës, ku operon kompania në fjalë, kanë shkuar në territorin e kompanisë dhe janë konfrontuar me policinë private.
Videoja më poshtë tregon një banor që i kërkon përgjegjësve të kompanisë që të fikin paisjen teknologjike, por një punonjës amerikan i përgjigjet “Jo”.
Më mpas situata ka degraduar edhe në konfrontime fizike, me banorët të cilët kanë goditur me gurë drejt forcave të sigurisë së kompanisë, konfrontime këto të censuruara, megjithëse banorët kishin njoftuar të gjitha mediat, shkruan “Hashtag.al”.
E vetmja media që e ka raportuar ka qenë ajo lokale në Fier “ALB-365”. (A.R/SHUPLAKA)
