Përplasje me armë zjarri pranë Gjykatës në Elbasan, një person i plagosur

Pasdite jo e qetë ka qenë kjo e sotmja në qytetin e Elbasanit. Një sulm me armë ka ndodhur në afërsi të ambjenteve të Gjykatës nga i cili ka mbetur i plagosur një person.

Sipas policisë, i plagosur është shtetasi me iniciale D.Kasneci., të cilit i është dhënë ndihma e menjëhershme, duke u transportuar në spital, ku po i nënshtrohet një ndërhyrje kirurgjikale.

Menjëherë pas ngjarjes policia ka ngritur pika kontrolli në qytet dhe postblloqe në hyrje e dale të tij, për të rënë në gjurmët e autorit, ende të paidentifikuar.

Duhet thënë se autori mund të jetë ndihmuar edhe nga errësira e mbrëmjes për t’ia mbathur nga vendi i ngjarjes. (E.K/SHUPLAKA)