Në protestën e sotme të banorëve të fshatrave të Kukësit kundër ndërtimit të hidrocentraleve dhe prishjes së parqeve kombëtare në zonën e tyre, ka patur disa momente paqartësie.
Disa protestues kanë deklaruar se lejen e kanë kërkuar për të zhvilluar protestë pa praninë e asnjë përfaqësuesi të asnjë partie politike dhe kanë kërkuar si rrjedhojë, largimin e deputetit demorkat Flamur Noka, i cili iu bashkëngjit protestëts si përfaqësues i zonës.
Megjithatë, deputeti demokrat fitoi përkrahjen e banorëve të Topojanit e Novosejit për të qëndruar në protestë.
Në një prononcim për Fax News deputeti Noka në mbështetje të kërkesave të banorëve të Kukësit për ndalimin e ndërtimit të hidrocentraleve i bëri thirrje kryeministrit Rama të ndalojë ata që duan të shkatërrojnë zonën e Valbonës.
“Të jemi të bashkuar dhe të mos lejojmë anjë bulldozer, asnjë tubacion, asnjë masakjër që të ndodhë në tokën tonë Do ta mbrojmë me çdo kusht atë tokë.
I bëj thirrje kryeministrit, anulo firmën, urdhërin dhe vendimin kriminal që ke dhënë në kurriz të këtyre banorëve!
Këto protesta janë për të sensibilizuese. Në emër të bashëfshatarëve të mi, unë do ta ngre këtë çështje në parlament.” – u shpreh deputeti Flamur Noka.
(E.L/Faxweb)
Discussion about this post