Përplasje në emision mes Bashkim Alibalit dhe Liljana Kondakçiut, ja shkaku

Soiree e Jonida Shehut krijoi së fundi mundësinë për të kthyer kokën pas në vitet ’80, e për të rikujtuar ngjarje apo detaje të asaj periudhe.

Asokohe këngët e huaja ishin të ndaluara në vend, ama nuk kanë munguar as guximtarët, të cilët mundën të sillnin këngë të ndryshme si Lambada për publikun shqiptar.

E pikërisht këtu lindi debati mes dy emrave të njohur të muzikës shqiptare, Bashkim Alibali dhe Liljana Kondaçki.

Cili e ka kënduar i pari këngën hit në Shqipëri? ishte pyetja që ju drejtua dy këngëtarëve.

Liljana thoshte se ka qenë ajo e para, por Alibali nuk bindej dhe këmbëngulte se këngën e kishte sjellë ai i pari gjatë një recitali në Pallatin e Kongreseve.

Në fund pas disa replikave me apo nën zë, të dy u qetësuan, por Alibali e këndoi edhe një herë këngën në emision.