Humbja e djeshme ka tensionuar edhe më shumë raportet e trajnerit italian Gianni de Biasi me futbollistët e Kombëtares.
Gazetari Jetmir Halilaj sjell detaje, duke raportuar se Taulant Xhaka dhe Amir Abrashi, dy të përjashtuarit e mëdhenj të Kombëtares shqiptare të futbollit në ndeshjen e mbrëmshme kundër Italisë, nuk do të jenë pjesë e përfaqësueses për ndeshjen kundër Bosnjë Hercegovinës.
Me sa duket Xhaka është revoltuar me injorimin nga De Biazi për përballjen me Italinë dhe ka vendosur të largohet nga grumbullimi i kuqezinjve e të mos udhëtojë me ta drejt Tiranës.
Kurse Amir Abrashi vuan nga një inflamacion i ligamenteve, duke u marrë vendimi se nuk do të rrezikojë duke luajtur me Bosnjë Hecegovinën.
