Komisioni i Posaçëm i Apelimit (KPA) ka rrëzuar kërkesën e ish-prokurores Rovena Gashit për të pasur si ndihmëse ligjore Ema Gashin.
Ky vendim ka ardhur për arsyen se Ema Gashi, njëherazi dhe motra e Rovena Gashit është ende gjyqtare në Durrës dhe nuk i plotëson kushtet që duhen.
Trupa gjykuese evidentoi se ONM (Operacioni Ndërkombëtar i Monitorimit) ka bërë një tjetër gjetje kundrejt Rovena Gashit.
Ish-prokurorja u largua nga salla dhe nuk e la trupën gjykuese të vazhdonte më tej.
“E hedh poshtë vendimin tuaj. Nuk kam nevojë per mbrojtës, por për asistente. Dua motren time asistente, por ju na detyruat deri ne ekstrem. Vazhdoni proçesin, une do largohem.” u shpreh Gashi.
Kjo çështje diskutohet prej disa javësh në KPA dhe më herët Ema Gashi është shprehur për mediat se Komisioni kishte shkelur në mënyrë flagrante ligjin.
Ndërkohë trupa gjykuese pasi u tërhoq disa momente ka vendosur të japë vendimin në datën 29 maj në orën 14.00.
