Ka nisur me tone mjaft të larta seanca e sotme Parlamentare. Dhe pse mungojnë Rama, Meta dhe në nisje të saj dhe ish-kryeministri Berisha nuk ka munguar protagonizmi.
Gjatë fjalës së Ministrit Tahiri në foltoren e Kuvendit, opozita është përgjigjur me akuza në kor dhe duke e bllokuar fjalën e tij. Menjëherë kanë ndërhyrë edhe forcat e sigurisë të Kuvendit.
”Kjo foltore është shembulli më ekzemplar i Shqipërisë së llafeve, përballë që ndodh jashtë kësaj salle që është Shqipëria e punës. Ajo që deklaroni ska asnjë lidhje me atë çkanë nevojë shqiptarët.
Mirëseerdhe shembulli më konkret i shpifjeve dhe akuzave. ( I drejtohet Berishës që futet në sallë) Thuaji dhe tët biri që të japi llogari për CEZ-in. Këtu flitet për gjithçka po jo për Reformën në Drejtësi. Ç’parlament është ky që nuk flet për Reformën në Drejtësi. Për akuzat shkoni në Prokurori. Kjo është Shqipëria që duan shqiptarët. Keni pretendime për mua për Ramën, për Ditmirin, shkoni në Prokurori.
Qytetarët e kanë të qartë që ky Parlament, se nëse kjo sallë ndahet më dysh vetëm për shkak të drejtësisë, në këtë sallë ka një gjysëm që nuk e do Reformën në Drejtësi. Ka ca njerëz që mbrojnë Prokurorët e korruptuar”, ka thënë Tahiri në fjalën e tij. (E.K/SHUPLAKA)
Discussion about this post