Në mbledhjen e sotme të qeverisë, kryeministri Edi Rama bëri një përmbledhje të situatës të cilën po kalon vendi pas tërmetit të mëngjesit të së martës.
Kreu i qeverisë tha se është e nevojshme që të gjitha energjitë të përmblidhen tashmë te rindërtimi i banesave, dhe strehimi i të gjithë qytetarëve. Rama falendroi dhe ministrant e qeverisë së tij, që kishin dhuruar rrogën e muajit Nëntor për viktimat e prekur nga tërmeti.
Ndërkohë që pati dhe një përplasje shifrash lidhur me numrin e viktimave, që sipas Ramës janë 40, ndërsa në njoftimin e mëngjesit të bërë nga Ministria e Mbrojtjes raportoheshin 37 jetë njerëzish të humbura.
“Ndërkohë që bilanci i të vdekurve është rritur, ka kulmuar me nxjerrjen e fëmijës 8 vjeçar nga gërmadhat e pallatit të rrafshuar në Thumanë, kërkimet pa pushim të trupave heroike të shpëtimit nuk kanë arritur të nxjerrin më jetë nga gërmadhat, ata të cilët kanë vijuar dhe vijojnë të punojnë në kushtet e rrezikshmëria tanimë shumë të lartë, qofshin përfaqësuese të trupave tona dhe jo vetëm.
Është momenti për të ndihmuar psikologjikisht një popull të traumtizuar dhe nuk është momenti për audiencë, like dhe komente. Të gjithë të kontribuojnë sa të munden për të qetësuar shpirtrat e stërtrazuar të njerëzve dhe për të përçuar informacion real. Kjo është koha e Psikologëve dhe jo e astrologëve. Nga mbrëmë nuk ka asnjë familje që nuk ka një strehë, që nuk është e mbrojtur nga shiu dhe e garantuar me ushqime.
Duhet të punohet me shumë këmbëngulje. Do të na duhet shumë vëmendje ndaj këtyre njerëzve, shumë dinjitet në shërbimin ndaj tyre dhe do të na duhet një durim i hekurt, të cilin ne duhet ta kemi. Ne duhet të garantojmë kushtet optimale për në këto kushte, kur kanë humbur pasurinë e tyre. Tani është momenti për të inventarizuar të gjithë kuadrin e situatës së familjes duke bërë verifikim strikte të familjeve që strehohen në hotele.
Historia ka mësuar se botën ku jetojmë se këto janë situata se abuzimet shoqrojnë këtë situat, duhen të shamngen maksimalisht. Duhet intensifikuar puna për banesat fizike dhe të iventaruizoahet. Komiteti Kombëtar i Rindërtimit është krijuar që dje, është në fazën fillestare të punë dhe unë do të doja që të theksoja që ministria e Infrastrukturës, e cila meriton mirënjohej për gjithë sakrificën së bashku me kolegët e tjerë, që ju ka rëbnë detyra të përballejon në vijën e frontit, duhet të garantojmë përfshirejn e të gjithë inxhinierët nga të gjithë rrugët e jetësm nga sektori publike”-tha Rama.
Ndërkohë që Rama pati një apel dhe për personat që kanë dhënë ndihma ushqimore dhe material, veçanërisht atyre që janë dërguar nga Kosova, që të mos dërgojnë më, pasi janë plotësuar të gjitha nevojat e paraqitura.
“Nuk është më e nevojshme në këto momente sjellja e ndihmave materiale, pasi falë jush tashmë ka një sasi të jashtëzakonshme. Përeveç njerëzve që përfitojnë me të drejtë, ka dhe abuzime që mund të bëhen me ndihmat, prandaj duhet që të përqendrohen te platforma që ka publikuar qeveria, në mënyrë që të mos ketë abuzime”, tha më tej Rama.
(E.K/Faxweb.al)
Discussion about this post