PËRPLASJE te Ministria e Drejtësisë, Gazmend Bardhi thërret Policinë të nxjerr nga zyra sekretaren Juliana Hoxha

Konflikte te ministria e Drejtësisë, Ministri Gazmend Bardhi nuk lë të hyjë në zyrë Sekretaren e Përgjithshme të këtij institucioni Juliana Hoxha.

Kujtojmë se pak ditë më parë Bardhi nënshkroi urdhërin e pezullimit për Hoxhën pasi përfshirja e saj në fushatën elektorale është bërë në kundërshtim me ligjin elektoral.

Pas pak pritet të ketë dhe një reagim për mediat nga ana e saj.

Ç’ndodhi më herët:

 Ministri i drejtësisë sqaron se ne datën 28 prill, Juliana Hoxha i ka kërkuar Departamentit te Administratës Publike, pezullimin e statusit te nëpunësit civil. Por me 6 qershor, Departamenti i Administratës Publike bëri të ditur se shkresa e zonjës Hoxha nuk kishte mbërritur asnjëherë ne ketë institucion.

Sekretarja e përgjithshme e Ministrisë se Drejtësisë ka njoftuar dorëheqjen nga lista e kandidateve per deputet, kërkese qe nuk është miratuar nga Komisioni Qendror i Zgjedhjeve per shkak se kishin kaluar afatet, çka e bënin znj.Hoxha, zyrtarisht kandidate te PS, ne Tirane. Sipas ligjit nje kandidate per deputete nuk mund te jete njëkohësisht pjese e Administratës Shtetërore, e për  pasoje ministri i drejtësisë e ka pezulluar atë nga detyra. Juliana Hoxha është zyrtarja më e lartë e administratës shtetërore që është pezulluar nga detyra për shkak të përfshirjes ne zgjedhjet e 25 qershorit.

Ndërkohë zëvendës kryeministrja Ledina Mandia ka nxjerre një tjetër urdhër per administratën. Numri dy i qeverise u kërkon te gjithë punonjësve te bashkive dhe prefekturave qe te mos përfshihen ne asnj ne lloj aktiviteti partiak gjate orarit te punës.

Ne urdhrin e zëvendëskryeministres behet e qarte gjithashtu se nëpunësit e kane te ndaluar te shprehin publikisht edhe bindjet e tyre politike. Mandia ku kujton punonjësve te administratës se ne rast te shkeljes se dispozitave te kodit zgjedhor, do te përballen me pasojat deri ne ndjekje penale. Nga ana tjetër, ministrat teknike vijojnë te ndëshkojnë ata qe marrin pjese ne tubimet partiake. Nje punonjës i doganës se Kakavijës është paditur ne Prokurori nga Ministrja ne Financave Helga Vukaj, pasi ishte bere pjese e fushatës se nje subjekti. (E.K/SHUPLAKA)