Përplasje tjetër në qeveri, Manjani rrëzon Kumbaron. 40 vërejtje për ligjin që jep me koncesion trashëgiminë kulturore

Mesa duket edhe ky fillimviti nuk do të jetë i qetë për qeverisjen PS-LSI. Pas debateve në lidhje me projektin e Ministrisë së drejtuar nga Gjermeni, Manjani fillon një konflikt edhe me ministren e Kulturës Mirela Kumbaro.

Shkak për këtë është bërë një Ligji i Trashëgimisë i hartuar nga Ministria e Kulturës. Manjani ka disa vërejtje për ligjin nga mënyra sesi është hartuar e deri te fjalët e përdorura nga gjuhët e huaja.

Me një argumentim të plotë, mbi kontradiktat që lindin me partneritetin publik-privat të dhënies së pasurive kulturore dhe të trashëgimnisë, por edhe me mosdakordësinë e këtij ligji me parimet e Bashkimit Evropian dhe të acquis communitaire, Ylli Manjani i kërkon ministres Mirela Kumbaro të rishikojë pikat e ligjit dhe të konsultojë me grupet e interesit projektin që duket se është mbajtur i fshehtë. Letra që mban datën 4 janar sipas ‘’GSH’’ kërkon që ligji i hartuar të kthehet pas për rishikime.

Një ndër cështjet e trajtuara në ligj ka të bëjë me marrjen e objekteve të trashëgimnisë nga privatët. Dhe në momentin që këto shkatërrohen në duart e privatit, sipas ligjit të ri, do të duhet të detyrohet privati ta kthejë në gjendjen e mëparshme.

Pyet Manjani: Po në rastin se privati nuk do të ketë kushtet dhe gjendjen financiare për të përballuar kostot e kthimit të objektit të trashëgimnisë në gjendjen e mëparshme, si zgjidhet situata? Kush do ta mbajë përsipër koston??

40 verëtjet e Ylli Manjanit, në tërësi hedhin poshtë ligjin. Ministri në fund fare, I kërkon zonjës Kumbaro që të shoh me rëndësi dhe prioritet një ligj të një forme të vecantë, që ka të bëjë me pasurinë shqiptare.

Dhe i sugjeron:

“Nga shqyrtimi në tërësi i projektaktit si dhe duke marrë në konsideratë gjetjet e mësipërme propozojmë kthimin e projektaktit për plotësim dhe rregullim të detajuar sipas vërejtjeve të bëra. Vecanërisht është i nevojshëm një proces i gjerë konsultimi jo vetëm me aktorët e interesuar dhe shoqërinë civile por edhe me bashkësitë fetare përsa kohë që shumë parashikime të projektligjit prekin pasuritë kulturore në pronësi/administrim të tyre”.

Ndërkohë Manjani shkruan se me ligjin e ri të propozuar, janë dy projektligje që do të shfuqizohen. Eshtë ligji për Trashëgimninë, dhe ligji për Muzetë. Sipas ministrit, në asnjë rast në dispozita kalimtare. (E.K/SHUPLAKA)