Dorian Protoduari, një nga protestuesit më stoikë të zonës së Astirit, i burgosur në burgun 313 ka folur për protestat dhe përplasjet që po ndodhin në zonën e Astirit si dhe për arrestimin e babait të tij.
Ai u shpreh se banorët janë provokuar nga Policia e Shtetit dhe thotë se arrestimi i të atit dhe shoqërimi i banorëve të tjerë nuk do t’i ndalë ata në luftën e tyre.
“Shteti i Edi Ramës dhunon dhe godet banorët e Unazës së Re. Nuk do të ia dalë dot duke burgosur protestuesit e Astirit dhe të Shqipërisë. Sandër Lleshaj të mos të përdorë gaz lotsjellës ndaj nënave dhe fëmijëve tanë sepse do të pendohet.
Ndihem keq se nëna ime është në spital dhe babai i arrestuar, ndihem keq për çdo banor që po dhunohet.
Unë po bëj burgun që duhej të bënte Damian Gjiknuri, nuk duhet të jep unë këtu. Gjiknuri ka marrë 20 milionë euro dhe jo Dorian Protoduari. Në prokurori nuk është thërritur asnjë person për tu hetuar mbi këtë çështje.
Unë skam frikë nga njerëzit,por nga Zoti. Nuk më frikësojnë mua këta plehra. Nuk do të na frikësojë ky palaço që kemi për kryeministër. Policia ka provokuar vetë me hedhjen e gazit lotsjellës.” tha në një bisedë telefonike për Fax News, Dorian Protoduari.
