Djali i ish-kryeministrit Sali Berisha, ka reaguar lidhur me përplasjet më të fundit brenda Partisë Demokratike, të intesifikuar pas humbjes në zgjedhjet parlamentare të 25 qershorit.
Kritikëve të Bashës që e detyruan këtë të fundit të merrte vendimin për ngrirjen e funksioneve të tij si kryetar partie, Shkëlzen Berisha u drejtohet me disa fjalë.
Ai shkruan se askush nuk ka të drejtë të shkelë, t’u kundërvihet atyre që mendojnë ndryshe, të sulmojë fyejë njëri-tjetrin, pasi kjo nuk është rruga e bashkimit dhe fitores, por rruga drejt përçarjes dhe humbjes. Duke qëndruar në të njëjtën linjë me të atin, ai shprehet se kjo që po ndodh në PD nuk është demokratike. Pavarësisht mendimeve ndryshe, ai shkruan se askush nuk meriton të largohet nga shtëpia.
Reagimi i Shkëlzen Berishës:
Te dashur miq
E kuptoj debatin qe ka lindur mes nesh per shkak te rezultatit. Kam zgjedhur te mos behem pjese ne kete debat, ndonese si te gjithe ju kam mendimet e mia. Por nuk i kuptoj dhe nuk i justifikoj dot sulmet, etiketimet dhe fyerjet qe i adresoni njeri-tjetrit. Perse eshte kaq e veshtire te shprehni mendimet tuaja pa ofenduar ata qe nuk mendojne si ju?
Perse e keni kaq te thjeshte te zeroni kontributet e demokrateve vetem pse nuk mendoni njelloj. Mendoni se e keni vertet luksin qe me kete rezultat te linconi njeri-tjetrin? Keni plotesisht te drejte te mbani qendrimet dhe mendimet tuaja, por askush nuk ka te drejte te shkele, te mohoje, te ofendoje, te lincoje ata qe mendojne ndryshe nga ju! Kjo nuk eshte demokratike, kjo nuk eshte e ndershme, kjo nuk eshte rruga drejt bashkimit dhe fitores, por rruga drejt percarjes dhe humbjes.
Kemi ndare se bashku per 4 vjet opinione dhe qendrime opozitare! I kemi dhene me mijera pelqime dhe mbeshtetje virtuale statuseve opozitare te njeri – tjetrit. Jemi respektuar si pjese e se njejtes familje politike. Kjo nuk duhet te ndryshoje thjesht dhe vetem pse sot keni mendime te ndryshme se si dilet nga kriza, sepse ne perfundim te saj, e vetmja menyre per te dale te bashkuar, eshte respektimi i mendimit ndryshe. Askush nuk duhet dhe as nuk meriton te largohet nga shtepia jone e tronditur sepse mendon ndryshe.
(XH.A/SHUPLAKA)
