Mbi 30 mijë njerëz, kryesisht sirianë, kanë kaluar në Siri nga Libani në 72 orët e fundit, njoftoi të premten agjencia e OKB-së për refugjatët, mes një konflikti në përshkallëzim midis forcave izraelite dhe Hezbollahut që ka vrarë qindra njerëz në Liban.
Rreth 80% e atyre që kalojnë janë sirianë dhe rreth 20% janë libanezë, tha përfaqësuesi i UNHCR-së në Siri, Gonzalo Vargas Llosa, duke shtuar se rreth gjysma janë fëmijë dhe adoleshentë dhe se burrat po kalojnë në numër më të vogël se gratë.
Pothuajse një vit pas fillimit të luftës së në Gaza, Izraeli e ka kthyer fokusin e tij në Liban, duke rritur ndjeshëm fushatën e tij kundër armikut të tij kryesor, Hezbollahut.
Ekziston frika se operacionet ushtarake të Izraelit në Liban do të jenë të njëjta sikurse ato në Gaza, të cilat pasojnë urdhrat e evakuimit, zhvendosjet masive dhe sulmet dërrmuese ajrore.
