Sot protesta ka hyrë në ditën e dhjetë të saj, e karakterizuar nga vendosmëria e protestuesve, nga mbledhjet e përditshme të kryedemokratit Lulzim Basha që përsërit që nuk do të hiqet dorë deri në rrëzimin e kësaj qeverie, por edhe nga emra të njohur të ekranit që i janë bashkuar kësaj proteste.
Dhe këtu nuk përfshihen vetëm ata të sferës së politikës, por dhe të tjerë nga fusha të tjera si e gazetarisë, artit, e jo vetëm
Deri më tani është folur për emra si: Armand Shkullaku, Sonila Meço, Alfred Lela, ish-ministri i Jashtëm Besnik Mustafaj, etj.
Bashkangjitur tyre, “Shuplaka” raporton se protestës së opozitës tek “Sheshi i Lirisë” do i bashkohet edhe pedagogu, publicisti Edmond Tupja. Mësohet se ai do të shoqërojë kryetarin e PD-së, Lulzim Basha, në fjalën e tij, në orën 18:00 të pasdites së sotme. (XH.A/SHUPLAKA)
