Kryetari i Bashkisë së Tiranës, Erion Veliaj, ka përuar sot një tjetër kënd lojërash, për të cilin shprehet se është i dyti më i madh në Tiranë pas atin në Liqenin Artificial.
Duke u shprehur se kjo është një dhuratë e bashkisë, Veliaj tha se e rëndësishme është edhe hapja e një shkolle të re në këtë zonë.
“Ky park lojërash është bërë me forcat e bashkisë dhe vjen si një dhuratë për komunitetin e zonës. Deri dje ky shesh ishte një hapësirë toke e mbushur me inerte. Më vjen mirë sot që këndi i dytë më i madh i lodrave në Tiranë, pas atij te Liqeni, është këtu në zona e “Astirit”, e cila deri dje cilësohej zonë e një fshati, pra zonë e Kasharit, kurse sot një lagje e bukur e Tiranës. Por, unë besoj që ajo që është më e rëndësishme është se jo vetëm të kemi një ambient ku fëmijët luajnë, por të sigurohemi që nesër me projektin e 20 shkollave të kemi edhe shkollën e re në këtë zonë”, u shpreh Veliaj.
