Përveç ish-drejtorit arrest edhe për 4 persona të tjerë. Miliarda lekë dëmi ndaj fondeve publike

Mbrëmjen e djeshme ish-drejtori i Përgjithshëm i Rrugëve, Dashamir Xhika u vu në prangat e Policisë.

Ai vinte nga rradhët e LSI-së, ndërsa kallëzimi penal ndaj tij është bërë nga ana e Ministrisë së Infrastrukturës dhe Energjisë drejtuar nga Damian Gjiknuri. 

Pas kësaj kërkesë, Gjykata e Elbasanit ka lëshuar 5 urdhër-arreste, për Xhikën dhe 4 persona të tjerë, të cilët akuzohen për abuzim me detyrën, e konkretisht në ndërtimin e rrugës së Gjinarit. Në total janë lëshuar 11 urdhër-arreste, që priten të ekzekutohen gjatë ditës së sotme. 

Procedurat për ndërtimin e kësaj rrugë kanë nisur që në vitin 2009.

Ata akuzohen për shkaktimin e një dëmi ndaj fondeve publike me rreth 5 miliardë lekë të vjetra. 

Sipas vendimit të Gjykatës, i cili mban datën 1 shkurt 2018, përveç arrestit parashikon dhe kontroll të banesës për Xhikën dhe 4 personat e tjerë. Mbrëmjen e djeshme, policia e Elbasanit ekzekutoi vetëm njërin nga urdhër-arrestet, duke arrestuar Dashamir Xhikën.

Prokuroria e Elbasanit kërkoi masës e sigurisë “arrest me burg” edhe për shtetasit Andi Toma (ish-drejtor i Përgjithshëm i Rrugëve nga viti 2008-2013), Rexhep Tarba (mbikëqyrësi i punimeve në rrugën e Gjinarit), Agron Hysën, Kujtim Hysën, ndërsa Rezarta Bokçiu është me arrest shtëpie.

(E.K/FAXWEB)