Kreu i LSI-së dhe njëkohësisht kreu i Kuvendit Ilir Meta feston sot ditëlindjen e 48-të. Në këtë ditë kaq të rëndësishme nuk kishte si të mos mungonin urimet për një nga politikanët më të rëndësishëm të Shqipërisë.
Klevi Pojana
Nënkryetari i LRI-së Klevi Pojana, në këtë ditë kaq të veçantë për Metën i shpreh vlerësimin dhe urimet e tij.
“Njeriut që i besova vullnetin tim politik i uroj sot jetë të gjatë dhe të lumtur!
Fal angazhimit të tij sot unë dhe mijëra të rinj janë pjesë e politikës dhe vendimmarrjes!
Mundësia që i ofron të rinjve është mundësi për Shqipërinë!
Ai është modeli i bashkëpunimit dhe politikatit europian!
Shembulli i një njeriu të suksesshëm në familje dhe karrier!
Ai është lideri im, lideri i rinisë shqiptare, lideri i Shqipërisë!”, shkruan Pojana.
Kejdi Mehmetaj
Përveç Pojanës, nuk kanë munguar urimet as nga eksponentë të tjerë të LSI-së, si deputetja Kejdi Mehmetaj.
“Para se të jesh një udhëheqës, sukses do të thotë të rritesh vet. Kur bëhesh udhëheqës, sukses është të rrisësh të tjerët. Gëzuar ditëlindjen miku më i mirë i të rinjve! Faleminderit për mbështetjen e pakursyer që na jep çdo ditë!”, shkruan Mehmetaj.
Endrit Braimllari
Kryetari i Lëvizjes Socialiste për Integrim në Tiranë, Endrit Braimllari është një tjetër që ka shprehur urimet për kreun e Kuvendit, për të cilin shprehet se ndjehet krenar që është pjesë e ekipit të tij.
“Jam pjesë e mijëra të rinjve e të rejave, që me idealizëm e besim ju bashkuan drejtimit e vizionit tuaj për të përfaqësuar interesat e popullit, interesat e njeriut të thjeshtë! Nga ty mësuam se me punë dhe përkushtim, me thjeshtësi, dashuri dhe mirënjohje duhet t’i shërbesh vendit tënd. Të uroj më të mirën pranë familjes dhe gjithë shqiptarëve! Ndjehem krenar që jam pjesë e ekipit tënd për të krijuar më shumë shanse për një të nesërme më të mirë. Gëzuar ditëlindjen!”, shkruan Braimllari.
Floida Kërpaçi
Edhe Kryetarja e LRI-së Floida Kërpaçi, nuk kishte si të mos e uronte në këtë ditë kaq të vecantë kreun e LSI-së, të cilin e konsideron si një njeri të thjeshtë.
“Të uroj Gëzuar Ditëlindjen dhe faleminderit për atë që ke bëre për mua, LRI, dhe të gjithë të rinjtë e Shqipërisë! Se je kaq i thjeshtë edhe pse gëzon plot pushtet, se i trajton njerëzit njësoj dhe jo me arrogancë, se punon cdo ditë e më shumë dhe nuk kënaqesh me pak, se gjithmone kërkon të mësosh nga rinia dhe nga problemet e brezit dhe nuk pretendon ti dish te gjitha, se na jep gjithmonë fjalën sa herë e kërkojmë, se na lejon që rinia të rritet e të zhvillohet si forcë që e drejton vetë fatin e saj! Për të gjitha këto duhet të falenderoj, por mbi të gjitha të shpreh dhe njëherë angazhimin tonë se vizioni juaj, vizioni jonë, i çdo të riu dhe çdo Shqiptari do të vazhdoj për të krijuar një të nesërme më të mirë! Gëzuar Ditëlindjen dhe le të krijojmë Një Shans për Të gjithë! #NJESHANSPERTEGJITHE”, shkruan Kërpaçi.
Ditën e ditëlindjes, kreu i Kuvendit ka vendosur që ta kalojë në krye të detyrës. Ai ndodhet në Angli për një vizitë zyrtare, ku do të zhvillojë një takim me komunitetin shqiptar që jeton atje. Për shkak të angazhimeve të tij do t’i duhet që ta festojë pa familjen. (D.D/Shuplaka)
