Përzunë Bashën nga protesta, Blushi për banorët e Zharrëzës: Këta do zbojnë nga pushteti partitë e vjetra, Heronj!

Kreu i LIBRA-s Ben Blushi i quan heronj  banorët e Zharrëzës, pasi ata nuk e lanë kreun e opozitës Lulzim Basha t’i afrohej protestës së tyre.

Sipas Blushit, këta banorë janë ata që do të largojnë nga pushteti partitë e vjetra.

“HERONJTË E ZHARRËZËS

Grevistët e Zharrëzës janë sot heronjtë e Shqipërisë. Ata po na mësojnë si protestohet dhe si kërkohet drejtësi. Sot e dëbuan nga protesta e tyre Lulzim Bashën duke bërë atë që do bëjnë shumë shpejt gjithë shqiptarët. Do zbojnë nga pushteti partitë e vjetra te cilat mbajnë në këmbë pushtetin e përbashkët të padrejtësisë.”, reagon Blushi.

Gjatë protestës së banorëve të Zharrëzës përpara Ministrisë së Energjisë dhe Industrisë, tëntoi të bashkohej edhe Basha. Megjithatë, Basha u kërkoi ndjesë banorëve publike dhe premtoi se do t’i mbështesë në kauzën e tyre. (D.D/Shuplaka)