Shtypja e lartë e gjakut mund të çojë në një sërë komplikimesh të rrezikshme, duke përfshirë sëmundjet e zemrës dhe goditjen në tru, por jo gjithmonë ka simptoma të dukshme.
Derisa ulja e marrjes së kripës është gjithmonë një pikënisje e mirë, disa ushqime janë në të vërtetë të mira për t’u ngrënë nëse dëshironi ta reduktoni rrezikun – thonë ekspertët.
Boronicat, mollët dhe çaji i gjelbër përmbajnë flavanole, dhe ka prova mjaft të mira se ato mund ta ulin presionin e gjakut – edhe pse kjo varet nga sasia.
Mollët
Frutat e shijshme janë të mbushura me antioksidantë të quajtur flavanole, të cilat janë treguar se janë të dobishme për shëndetin e zemrës.
Flavanolet i ndihmojnë arteriet tona të relaksohen duke përmirësuar diçka të quajtur funksioni endotelial që ndihmon enët tona të gjakut t’i përgjigjen më mirë stresit dhe të zvogëlojnë rrezikun e sëmundjeve të zemrës.
Boronicat
Ky superfrut zakonisht vjen në sezon në gjysmën e dytë të korrikut dhe zgjat pjesën më të madhe të gushtit. Boronicat ndihmojnë në rritjen e nivelit të oksidit nitrik në gjak, duke zgjeruar arteriet dhe duke reduktuar ngarkesën e punës në zemër.
Në provat klinike, ekstraktet nga ushqime të tilla si boronicat e egra janë treguar se përmirësojnë shëndetin e enëve të gjakut dhe madje ulin presionin e gjakut.
Arrat
Arrat, një element kryesor që shpesh neglizhohet, duhet të jenë pjesë kyçe e çdo diete të ekuilibruar.
Janë një burim i shkëlqyer i vitaminave, mineraleve, antioksidantëve, omega-3 dhe yndyrave të pangopura – por sigurohuni që të zgjidhni varietete të pakripura nëse jeni të shqetësuar për presionin e gjakut.
Arrat janë një burim i shkëlqyeshëm i lëndëve ushqyese të ndryshme që janë vërtetuar shkencërisht se ndihmojnë në uljen e presionit të gjakut. Në veçanti, arrat janë treguar se ulin presionin sistolik të gjakut.
Çaji i gjelbër
Zëvendësimi i një filxhani çaji bimor me çaj të gjelbër mund të ndihmojë në uljen e shtypjes së gjakut.
Ky çaj është plot me lëndë ushqyese, duke përfshirë flavanolet, ndërsa konsumimi i tij është treguar se mbështet presionin e shëndetshëm të gjakut për shkak të disa përbërjeve polifenolike të njohura si katekinat që janë po ashtu të pranishme.
Këto përbërës stimulojnë prodhimin e oksidit nitrik, i cili më pas mund t’i zgjerojë arteriet dhe taulë presionin e gjakut.
Avokado
Avokadot janë një burim i shkëlqyer i vajrave të pangopura, të cilat – sipas studimeve – mund të ndihmojnë në uljen e presionit të gjakut. Gjithashtu përmbajnë vitaminë E që mund të ndihmojë në uljen e shtypjes së gjakut te njerëzit me hipertension të lehtë.
Por, edhe pse këto ushqime mund të jenë të dobishme për shëndetin tuaj, ato nuk janë zëvendësues për një dietë të ekuilibruar mirë dhe kini kujdes të kufizoni ushqimet dhe shprehitë e pashëndetshme.
Discussion about this post