U kapën në flagrancë, 2 shtetas, duke peshkuar në liqenin e Shkodrës me mjete që prodhojnë rrymë elektrike. Ata po procedohen në gjendje të lirë. Si provë materiale u sekuestruan mjeti lundrues dhe mekanizmat elektrikë që përdoreshin për peshkim.
Njoftimi i policisë:
DVKM Shkodër/Vijojnë patrullimet në liqenin e Shkodrës, për parandalimin dhe goditjen e rasteve të peshkimit me mjete të ndaluara (mekanizma elektrikë).
Goditet një tjetër rast i kësaj veprimtarie të kundërligjshme.
Procedohen penalisht 2 shtetas që u kapën në flagrancë duke peshkuar me mjete që prodhojnë rrymë elektrike.
Sekuestrohen një mjet lundrues dhe mekanizmat elektrikë që përdoreshin për peshkim.
Shërbimet e Drejtorisë Vendore për Kufirin dhe Migracionin Shkodër, si rezultat i kontrolleve në hapësirën liqenore, për parandalimin dhe goditjen e rasteve të peshkimit me mjete të ndaluara, kanë konstatuar në fshatin Kamicë, një mjet lundrues në të cilin ndodheshin 2 shtetas që po peshkonin me mekanizma që furnizoheshin me energji elektrike, të cilët janë të ndaluar për shkak të rrezikut që kanë.
Në vijim të veprimeve procedurale për këtë rast, u referuan materialet në Prokurori ku nisi procedimi në gjendje të lirë për shtetasit B. H., 45 vjeç, banues në Koplik, Malësi e Madhe dhe L. Gj., 39 vjeç, banues në fshatin Stërbeq, Malësi e Madhe, për veprën penale “Peshkimi i ndaluar”.
Me cilësinë e provës materiale u sekuestruan mjeti lundrues dhe mekanizmat elektrikë që përdoreshin për peshkim.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Shkodër, për veprime të mëtejshme.
Discussion about this post