Pas infarktit të përsuar gjatë trajnimit, portjeri Iker Casillas ka dalë nga spitali ku ndodhej që nga e mërkura e kaluar.
Casillas pas rikuperimit të tij është shprehur falenderues për mjekët dhe mijëra njerëz, të cilët e kanë kontaktuar për t’i shprehur mbështetjen në këtë moment të vështirë të jetës.
“Duhet të jem mirënjohës, sepse kam qenë shumë me fat. Dua të falënderoj shumë njerëz, ata më kanë bërë të ndihem mjaft i vlerësuar në një moment të vështirë.
Dua të falënderoj personelin e spitalit, sidomos dr. Nelson dhe Joao Carlos, të cilët bënë ndërhyrjen. Jam i befasuar nga dashuria dhe mbështetja që provova këto ditë nëpërmjet rrjeteve sociale nga njerëz të fushave të ndryshme, edhe kolegë të futbollit.
Nuk e di se cila do të jetë e ardhmja, por më e rëndësishmja është që jemi këtu. Faleminderit të gjithëve, shihemi së shpejti”, u shpreh Casillas.
Discussion about this post