Këngëtarja e famshme Shakira për shkak të problemeve me shëndetin ka shtyrë datat e turit të saj “El Dorado World Tour” për në vitin 2018.
Këngëtarja me famë botërore, e cila duhej të performonte në Milano më 3 dhjetor ka anuluar çdo gjë. Këtë vendim Shakira e ka marrë pasi ka pësuar një hemorragjie në kordat zanore dhe mjekët i kanë këshilluar Shakiras të pushojë për të shmangur problem më të madh në zërin e saj.
“Më vjen shumë keq që nuk do të këndoj për disa muaj, por më shumë keq më vjen për ata që kanë blerë biletat, të cilat i kanë gjetur me shumë vështirësi. Falënderoj të gjithë fansat e mi në të gjithë botën për sinqeritetin e tyre, mesazhet e tyre të dashurisë dhe që më kanë shoqëruar falë lutjeve të tyre.
Shpresoj ta kaloj këtë provë të vështirë dhe të kthehem sa më shpejt për të dëgjuar zërin tim bashkë me ju. Ju dua dhe do ta kujtoj gjithnjë miqësinë dhe dashurinë tuaj”, ka shkruar Shakira në rrjetet sociale.
(J.V/Faxweb)
