Ish-deputeti i LSI-së Petrit Vasili ka komentuar masat e marra nga qeveria ndaj pandemisë së koronavirusit, duke argumentuar se qëndrimi i Edi Ramës personalisht ndaj Covid-19 është tërësisht aprofesional.
Për Vasilin, kreut të qevrisë koha nuk i dha të drejt për asgjë ndërsa shton se situata u bë tërësisht kaotike për shkak të veprimeve të kundërta me atë që këshillonte Organizata Botërore e Shëndetësisë.
“Qëndrimi i kryeministrit është orientuar nga interesi politik i ditës dhe absolutisht fare nga pandemia. Ju e dini, se OBSH ka kërkuar testim, testim, testim të gjerë. Edi Rama refuzoi publikisht, dhe tha se nuk ka nevojë fare për strategji të tillë, por do ndjekim strategji të ngjashme me atë të Zvicrës, e cila teston njerëzit mbi 65 vjec e kjo është tha ai, strategjia më e mirë për ne. Koha nuk i dha të drejtë në asgjë, situata u bë krejtësisht kaotike. Rama mbajti qëndrim aprofesional, duke bërë të kundërtën e OBSH-së. Të gjitha organizatat ndërkombëtare kanë këmbëngulur për përdorim masiv të maskave”, tha Vasili gjatë një komunikimi në Facebook me ndjekësit e tij.
Numri dy i LSI-së, tha se Rama ka bërë të kundërtën e asaj që do shkenca, dhe se masat kanë qenë represive, duke dëmtuar qytetarin shqiptar ekonomikisht dhe psikologjikisht.
“Edi Rama ka imponuar karantinë mirfilli politike. Cfarë kuptimi ka nga ana shëndetësore, shtet rrethimi i fundjavës, që në disa orë vendosen disa masa. Mos do të thotë se virusi nuk përhapet në ata orë? Edi Rama zgjodhi të kundërtëën e asaj që donte shkenca. Kjo kërkonte marrje masash korrekte në përputhje me pandeminë. Rama madje tha se ka bërë kurimin më të mirë të pandemisë. Kur Rama ishte më i miri i botës, ç’do i pyeste shkencëtarët gjermanë? Pas 6 javësh pyeti gjermanët dhe ekspertët? E kush janë këta ekspertë? Të gjithë këta janë ilegalë. Konkluzionet e nxjerra nga Rama janë të papranueshme për pandeminë. Ai nuk kërkoi asnjë mendim ekspertësh. Shqipëria duke qenë e vogël mund të aplikonte metoda tepër të mira, por ka bërë masa që i kanë shkatërruar psikologjikisht dhe ekonomikisht qytetarët”, pohoi Vasili.
