Kryetari i grupit parlamentar të LSI-së Petrit Vasili në një dalje për mediat ka komentuar arrestimin e Ramush Haradinajt në Francë për llogari të shtetit serb. Vasili në emër edhe të forcës që drejton e quajti këtë akt shumë të rëndë dhe të patolerueshëm.
Ai u shpreh se kryetari i Kuvendit Meta është në një komunikim të vazhdueshëm me ambasadorin e Shqipërisë në Francë si dhe me familjen e Haradinajt.
‘’Ky ka qenë një veprim i gabuar në kohën e gabuar. Duhet të lirohet menjëherë Haradibnaj dhe të sqarohet pse mbahen këto nga policia Europiane. Këto akte shkojnë përkundër frymës së bashkëpunimit mes vendeve dhe për rajonin.
E tërë kjo ngjarje ishte një zhvillim negativ, i cili pati në qendër për fat të keq ka demostruar raportin më luajal, është përballur dy herë me Hagën dhe ka fituar.
Lirimi I tij do të ishte zgjidhja e vetme, këto akte nuk duhet të përsëriten. Urojmë dhe nxisim çdo lloj praktike që sjell lirimin e menjëhershëm të Haradinajt’’, ka thënë Vasili. (E.K/SHUPLAKA)
Discussion about this post