Ish-kryetari i Grupit Parlamentar të LSI-së, Petrit Vasili, është betuar së fundmi si ministër Drejtësie. I pranishëm në Presidencë për betimin, ai është shoqëruar nga zv/kryeministri Niko Peleshi.
Betimi në këtë detyrë vjen pas emërimit të tij si ministër pak ditë më parë. Lajmi për emërimin e tij në postin e ministrit të Drejtësisë nga kryeministri Edi Rama u bë më 30 janar 2017, pas shkarkimit nga kjo detyrë të Ylli Manjanit.
”Petrit Vasilin e propozoi ministër Lëvizja Socialiste për Integrim, Luan Rama kryetar i Grupit Parlamentar”, deklaroi Erisa Xhixho, Sekretarja për Marrëdhëniet me Publikun në LSI në një komunikatë të shkurtër për mediat po atë ditë, pak orë pas shkarkimit të Manjanit. (XH.A/SHUPLAKA)
Discussion about this post