Kreu i Grupit Parlamentar të LSI-së, Petrit Vasili thotë se me votimin në Kuvend, Vetingu ka vdekur. Ai thotë se kryeministri Rama është edhe kryeprokuror dhe në këtë mënyrë demokracia është në rrezikun më të madh.
“Sot VETINGU vdiq. 69 deputete te kapur te Edi Rames zgjedhin kryeprokurorin e partise pa veting.
Kryeministri eshte sot edhe kryeprokuror. Demokracia ne rrezikun me te madh”, kështu shkruan Vasili.
Është votuar me 69 vota pro, dy kundër dhe dy abstenim si Kryeprokurore e Përkohshme Arta Marku. Opozita nuk ka mundur që të bllokojë mazhorancën për të marrë këtë vendim. Kreu i Grupit Parlamentar të PS-së Taulant Balla u shpreh pas votimit të mbyllet senaca e sotme.
Po si njihet kryeprokurorja Arta Marku:
Ajo njihet si shoqja e deputetit socialist Ulsi Manja, pasi së bashku ata kanë qenë në Prokurorinë e Shkodrës. Marku ka qenë një nga kandidatet më të favorizuara që prej fillimit, edhe pse në karrierën e saj nuk ka ndonjë çështje shumë të madhe për të cilën ka hetuar.
Kryeprokurorja e Përgjithshme e Përkohshme është diplomuar si juriste në vitin 1999 në Fakultetin e Drejtësisë në “Universitetin e Tiranës”.Në vitin 2002 ka përfunduar studimet në Shkollën e Magjistraturës ,Tiranë.
Nga viti 2003 dhe në vijim është trajnuar brenda dhe jashtë vendit nga institucione akademike si Shkolla e Magjistraturës,Universiteit i Gjenevës,Fakulteti i Drejtësisë ,TAIEX,OPDAT etj.Arta Marku ka punuar si prokurore në Prokurorinë e Rrethit Gjyqësor Fier për dy vite në periudhën 2001-2002.
Nga viti 2002 dhe vazhdim është emëruar prokurore në Prokurorinë e Rrethit Gjyqësor Shkodër.Ndërkohë në Prill 2009-Janar 2016 ka ushtruar detyrën e zv.drejtueses të njësisë së përbashkët Hetimore për hetimin e krimit Ekonomik dhe Korrupsionit në Prokurorinë e Rrethit Gjyqësor Shkodër.
Gjatë viteve 2010-2014 Arta Marku ka punuar si Pedagoge në Universitetin Gjon Buzuku në Shkodër.Marku e ka nisur karrierën e saj në kohën kur kryeprokuror në Shkodër ishte Ulsi Manja, ndërkohë që prej 16 vitesh dosjet e hetuara prej saj dhe të përfaqësuara në Gjykatë kanë qenë fare të pakta.
Një ndër to është dosja ndaj pedagogut Fran Qafa, i cili më pas mori pafajësinë në Gjykatë.Kryeprokurorja është e martuar dhe ka 2 vajza.
(E.K/FAXWEB)
