Ministri i ri i Drejtësisë Petrit Vasili, i ftuar në studion e emisionit “Opinion” të Blendi Fevziut, foli për çështjen e kanabizimit të vendit dhe për akuzat e ministrit Manjani.
“Ne kemi detyrën politike që të shohim problemin në sy, është shumë keq e kundërtara, gabim dhe e pafalshme, ne duhet të nxisim institucionet që kanë për detyrë ta parandalojnë atë.
Kam një opinion të qartë timin. Policia shqiptare është një trupë e ndershme punonjësish, nuk ka dyshime, por ka oficerë dhe drejtues të caktuar, individë të cilët janë të korruptuar e të lidhur me krimin që kanë mundësuar shtimin dhe jo parandalimin e kultivimit të kanabisit.”, u shpreh Vasili.
Sakaq, i pyetur nëse qëndrimet e Manjanit janë të njëjta me të tjerë të LSI-së Vasili dha këtë përgjigje:
“Ka patur një marrëdhënie të vështirë mes Ramës dhe Manjanit, dhe natyrisht prevalon vullneti i Kryemistrit. LSI ka një mënyrë sjelljeje të qartë, qëndrime politike të qarta të mbajtura nga kryetari, nga unë, dhe nga të tjerë anëtarë. Unë nuk qëndroj në këtë çështje, qëndrimet e LSI-së janë të qarta. S’kemi patur dyzim, dhe të lehta për tu komentuar nga ju. Qëndrimet tona janë zyrtare të qarta dhe të kthjellta, shqetësimet eKkokës ishin lokale dhe për një çështje të caktuar, kjo çështje mbyllet këtu, jo më larg nga sot patëm një qëndrim të qartë.”(D.D/Shuplaka)
Discussion about this post