Ish-kryetari i Lëvizjes Socialiste për Integrim Petrit Vasili, në Konventën Kombëtare Zgjedhore ka propozuar sërisht si kryetare të LSI-së Monika Kryemadhin.
Ai u kërkoi delegatëve që të votonin dhe të gjithë ngritën kartonin jeshil për Monika Kryemadhin, e cila tanimë ka zënë vednin e Vasilit.
“Partia kërkon energji të reja, parlamenti kërkon kualitet shumë të lartë dhe qëndrim shumë të fortë. Sot misioni ynë e bën jetike hapjen e LSI ndaj tyre, ndaj çdo njeriu që pengon këtë hapje që na pret. Kjo hapje kërkon një administrim shumë të mirë.
Për t’u përgjigjur këtij moment të ri të veçantë e historik, kam vendosur të paraqes dorëheqjen time. Dhe tani në fund të fjalës time, kam nderin t’i propozoj kësaj konvente, si kandidate për kryetare të LSI zonjën Monika Kryemadhi, e cila mishëron cilësitë më të shkëlqyera, ritmin e LSI-së. Është një lidere e lindur dhe LSI në drejtimin esaj do të eci shumë përpara. Dua të propozoj si zëvendës kryetar Luan Ramën, që është një vlerë e shtuar shumë e domosdoshme.
Nënkryetare Erisa Xhixhon, një lidere e rritur në LSI, një drejtuese e denjë për një post kaq të lartë. NË përfundim të fjalës time, do tju thosha për atë provë të shkëlqyer, të jemi të gjithë së bashku, që në drejtimin e Monikës të ecim sëbashku ëprpara.
Tani do t’ju kërkoj të gjithë delegatëve të konventes që të shprehen për të tre propozimet.”, tha Vasili. (D.D/Shuplaka)
Discussion about this post