Moti i keq ka nisur të shfaqë problemet e para, sidomos në portet e vendit. Kështu nga Durrësi, Vlora dhe Saranda është paralizuar lëvizja e trageteve.
Kapiteni i Përgjithshëm i Porteve, Paulin Ndreu thotë se janë njoftuar kapiteneritë e porteve për të pezulluar lundrimin në det.
“Kemi njoftuar kapiteneritë e porteve të vendit që të mbajnë nën monitorim situatën. Nëpërmjet një komunikimi në email, u kemi bërë të ditur perzullimin e përkohshëm të lundrimeve të anijeve të peshkimit dhe mallrave deri në dt 3 të mos dalin në det të hapur.
Jemi në gatishmëri të plotë. Situata paraqitet e rënduar, por pasditen e sotme pritet një qetësim i erës dhe forcës së detit, pra tragetet mund të nisen në darkë(ato që kanë qenë planifikuar që mbrëmë nga italia apo anasjelltas)”, shprehet Ndreu.
(E.K/Faxweb)
