Ish-kryeministri Sali Berisha ka reaguar lidhur me pezullimin nga puna të gazetares sportive Pejana Elezi, pasi ajo festoi pas fitores së Skënderbeut ndaj Partizanit.
Berisha thotë se Thoma Gellçi pezulloi nga puna në RTSH gazetaren vetëm se u zemërua kryeministri edi Rama dhe vëllai i tij, Olsi Rama.
“Ndodh dhe kjo ne Narkoshtetin e Norieges?
Gellçi i droges pezullon gazetaren Elezi sepse po kercente me shoqerine e vet pas fitores se Skenderbeut ndaj Partizanit!
Te dashur miq, ish xhelati i fjales se lire ne diktaturen hoxhiste, narkodrejtori i RTVSH, Gellçi me lidhje te shumllojta me Olsin dhe vellain e tij Noriegen, ka pezulluar nga puna me urdher nga lart gazetaren e TVSH, Pejane Elezi sepse ajo eshte pare e filmuar ne nje lokal duke dansuar me shoqe te veta pas fitores se ekipit te Skenderbeut ndaj ekipit te Partizanit dhe kjo gje ka zemeruar shume Noriegen dhe vellaçko Olsin.
Ky eshte nje akt jashtezakonisht i rende, qe nuk mund te ndodhe kurre ne nje vend te lire por ndodhe ne Narkoshtetin e Norieges.
I bej thirrje gazetareve te RTSH por dhe te gjitha mediave te solidarizohen me kolegen e tyre dhe te denojne aktin hakmarres primitiv te narkodrejtorit Gellçi, Norieges dhe Olsit te tij! sb”,shkruan Berisha.
Ndërkohë më herët gazetarja Pejana Elezi ka reaguar pas lajmit, duke thënë se “Jam habitur kur kam parë lajmin se më kanë larguar nga puna. Nuk është e vërtetë. Jam pjesë e RTSH-së dhe kam vazhduar punën si normalisht. Rastisti që në të njëjtin ambjent të ishin edhe pjesëtarë të klubit të Skënderbeut, por kjo nuk do të thotë aspak se kemi qenë së bashku me ta. Gjithnjë e kam bërë detyrën time me profesionalizëm dhe nuk lejoj askënd që të më cenojë në këtë pikë”, deklaroi Elezi .
(S.SH/Shuplaka)
