Pezullohen 25 leje drejtimi në 24 orë dhe 8 në pranga, rekord gjobash për këto raste (DETAJE)

1553 raste janë ndëshkuar me masë administrative, ku rekord mbajnë rastet e mosvendosjes së rripit të sigurimit dhe ato të përdorimit të celularit.

Veç të tjerash janë pezulluar 25 leje drejtimi, ndër të cilat 18 për shpejtësi tej normave të lejuara. Në 24 orë janë arrestuar 8 drejtues mjetesh.

Detaje të Policisë Rrugore:

Policia Rrugore në të gjithë vendin vijon punën për parandalimin dhe ndëshkimin e të gjithë shkelësve të Kodit Rrugor me qëllim rritjen e parametrave të sigurisë në rrugë.

Në këtë kuadër, gjatë 24 orëve të fundit në të gjithë vendin janë evidentuar dhe ndëshkuar me masë administrative 1553 raste, nga këto:

230 raste për mosvendosjen e rripit të sigurimit
224 për përdorimin e celularit
218 për parakalim të gabuar
38 për shpejtësi tej normave të lejuara
37 për mospërdorim të kaskës mbrojtëse

Ndërsa pjesa tjetër për shkelje të ndryshme si: mosrespektimi i semaforit, parkim i gabuar, mungesë dokumentacioni të mjetit etj.

Janë pezulluar 25 Leje Drejtimi.

Nga këto:

2 për përdorim alkooli
18 për shpejtësi tej normave të lejuara
5 për mosrespektim semafori

Po gjatë 24 orëve të fundit janë arrestuar 8 drejtues mjetesh nga këta:

2 për drejtim mjeti në gjendje të dehur.
6 për drejtim mjeti pa Leje Drejtimi

Policia Rrugore është e angazhuar maksimalisht për të bërë të mundur parandalimin e aksidenteve rrugore, minimizimin e shkeljeve të Kodit Rrugor me qëllimin e vetëm sigurinë e jetës.

(XH.A/SHUPLAKA)