Të gjithë punonjësit e ministrisë së Financave dhe institucioneve në varësi si: Tatimet apo Doganat, të cilët kishin planifikuar pushimet përgjatë periudhës 25 maj-30 qershor, do u duhet t’i riplanifikojnë pas urdhrit të marrë. Edhe ata që tani mund të kenë nisur pushimet, do të jenë të detyruar të kthehen në punë.
Ministrja e Financave, Helga Vukaj, ka nxjerrë sot urdhrin në bazë të të cilit, nëpunësit, funksionarët dhe punonjësit e ministrisë si dhe të instuticioneve të varësisë që përfitojnë pushime vjetore të paguara, për sigurimin e vijueshmërisë së punës, u ndërpritet leja vjetore, referuar burimeve për televizionin “Scan”.
Në urdhër bëhet me dije se të gjithë punonjësit që janë duke kryer lejet vjetore, do të njoftohen për paraqitjen në detyrë dhe për mbushjen e lejes vjetore pas datës 1 korrik 2017. Në rast moszbatimi të këtij urdhëri, do të ketë masa disiplinore sipas legjislacionit në fuqi.
(XH.A/SHUPLAKA)
