Pezullohen nga detyra dy drejtorët e spitaleve Tepelenë dhe Librazhd. Ministria e Shëndetësisë: Morën pjesë në fushatë

Ditën e sotme janë pezulluar nga puna Drejtori i Shërbimir Spitalor Librazhd dhe Drejtori i Shërbimit Spitalor Tepelenë.

Po kështu është shkarkuar nga detyra edhe një kryeinfermier  në Kolonjë. 

Sipas ministrisë së Shëndetësisë  ata janë pezulluar nga puna pasi morën pjesë në fushatën  elektorale.

NJOFTIMI: 

Në zbatim të VKM-së, nr. 473, datë 01.06.2017, pika 4, për mospërfshirjen e administratës publike në fushatë elektorale, Ministria e Shëndetësisë ka pezulluar nga detyra: Drejtorin e Shërbimit Spitalor Librazhd; Drejtorin e Shërbimit Spitalor Tepelenë; Kryeinfermierin e Shërbimit Spitalor, Kolonjë.
 
Ministria e Shëndetësisë sjell në vëmendjen e gjithë administratës VKM-n nr. 473, datë 01.06.2017 duke rikujtuar se monitorimi do të jetë i pandërprerë dhe masat do të merren pa mëdyshje ndaj çdo shkelje të ligjit deri në përfundimin e procesit zgjedhor.

 (J.V/Shuplaka)