Janë pezulluar punimet në stadiumin e ri ‘’Arena Kombëtare”, që po ndërtohet në Tiranë. Lajmi bëhet i ditur për Fax News nga ana e inspektores së zyrës së punës Irena Gjoka, ndërsa shkak për këtë është bërë një aksident në punë, i cili ndodhi të shtunën.
Kujtojmë se personi që mbeti i vdekur gjatë aksidentit në punë te Arena Kombëtare ishte Naim Idrizi, 40-vjeç, që sipas policisë ka qenë duke punuar në stadium, ku dyshohet të ketë rënë nga lartësia. (Lexo ketu)
Ai u transportua në gjendje të rëndë shëndetësore për ndihmë mjekësore në spital, por nuk arriti t’i shpëtonte plagëve të marra.
Kështu kompania Alb Star është e detyruar që të pezullojë punimet, deri në nxjerrjen e hetimeve të plota për ngjarjen, dhe nëse kushtet e punës janë të atilla që mund të sigurojnë jetën e punonjësve të tjerë.
Gjoka theksoi se verifikimet në terren për kompanitë që operojnë në fushën e ndërtimit janë të vazhdueshme, megjithatë ka ende shumë elementë që rrezikojnë jetën e punonjësve.
Vetëm disa orë para ngjarjes së rëndë kryeministri i vendit Edi Rama shprehej entuziast përmes postimit të një fotoje, për ecurinë e punimeve ne stadium. (Lexo ketu)
(E.K/FAXWEB.AL)
Discussion about this post