Pezullohet ndalimi i hyrjes së refugjatëve në SHBA, Trump: Po ndodhi gjë, fajësoni gjyqtarët!

Presidenti amerikan Donald Trump shpërthen kundër gjykatësit që bllokoi urdhrin e tij për t’i bllokuar hyrjen refugjatëve të 7 shteteve.

Trump i urdhëroi autoritetet që t’i kontrollojnë me kujdes refugjatët kur ata hyjnë për në SHBA, por kjo kërkesë e tij u hodh poshtë nga Gjykata Federale e Apelit.

Kjo gjykatë i kërkoi administratës Trump të paraqesë më shumë të dhëna dhe argumenta deri të hënën pasdite. Pra shefit të Shtëpisë së Bardhë tanimë i kanë mbetur vetëm pak orë kohë për të gjetur argument bindës, ose përndryshe kërkesa e tij do refuzohet për herë të fundit.

Kështu, të gjithë refugjatët nga Iraku, Irani, Siria, Libia, Somalia, Sudani dhe Jemeni, të pajisur me vizën amerikane do t’u lejohet hyrja në SHBA.

Madje gjatë fundjavës, shumë kompani ajrore i kanë lejuar refugjatët të futen në territorin amerikan.

Në një postim në Twitter, Trump u shpreh shumë ashpër kundër këtij vendimi.

“Unë kam udhëzuar Sigurinë Kombëtare për të kontrolluar njerëzit që vijnë në vendin tonë me shumë kujdes. Por gjykatat po ma bëjnë punën shumë të vështirë.

Thjesht nuk mund të besoj se një gjykatës do të vërë vendin tonë në një rrezik të tillë. Nëse diçka ndodh dhe fajësoni sistemin gjyqësor.”, shkruan Trump. (D.D/Shuplaka)