Drejtori i Drejtorisë së ALUIZNI-t Shkodër, Tonin Marku është pezulluar nga detyra pasi ka marrë pjesë në fushatë zgjedhore gjatë orarit të punës.
Pezullimi i përkohshëm është firmosur nga drejtori i ri i ALUIZNI-t, Ibrahim Morina.
“Zoti Tonin Marku me detyrë drejtor i Drejtorisë së ALUIZNI-t Shkodër, pezullohet pas informacionit të ardhur pranë titullarit të institucionit për pjesëmarrjen në fushatë zgjedhore gjatë orarit zyrtar” thuhet në urdhrin e pezullimit. Urdhri është firmosur sot dhe hyn në fuqi menjëherë.
Tonin Marku konsiderohet në Shkodër si njeri shumë i afërt me Tom Doshin dhe vazhdimisht është parë në takimet dhe zyrat e PSD-së në këtë qytet. (J.V/Shuplaka)
Discussion about this post