Për më shumë se një orë, punonjësit e shërbimit urban në Vlorë kanë pezulluar punën në shenjë proteste. Shkak është bërë konkurrenca e pandershme dhe njëkohësisht edhe gjendja aktuale e autobusëve urbanë.
Ata ngrenë shqetësimin e futjes së linjës paralele të subjektit privat, që ka shkaktuar problematika të mëdha me orarët që nuk zbatohen. Ata ngrenë shqetësimin edhe të gjendjes së amortizuar të mjeteve dhe për këtë fajësojnë drejtuesit e institucionit.
Punonjësit e parkut urban publik në Vlorë konfirmuan se kanë marrë një premtim për ndryshimin e situatës nga ana e vetë drejtuesve të bashkisë, por nëse diçka nuk do të ndryshojë protesta e tyre do të vijojë te përshkallëzohet. (XH.A/SHUPLAKA)
Discussion about this post