Koreja e Veriut kërcënoi se do të ekzekutojë ish presidenten e Koresë së Jugut Park Geun-hye dhe shefin e zbulimit kur ajo ishte në detyrë, të cilët i akuzon për komplot me qëllim vrasjen e udhëheqësit koreanoverior Kim Jong Un.
Agjencia zyrtare e lajmeve (KCNA) njoftoi se Koreja e Veriut do të shpallë “dënimin me vdekje mbi tradhëtaren Park Geun-hye” dhe ish shefin e zbulimit Lee Byung-Ho. Në njoftim thuhet se Koreja e Veriut do ta “shpallë dënimin, pa njoftim paraprak”.
Ndërkohë sipas Reuters, agjensia e zbulimit e Koresë së Jugut deklaroi se është “e pafalshme” për Veriun të kërcënojë qytetarët në Jug.
Park u shkarkua nga detyra në muajin mars dhe u arrestua në kuadër të një skandali për korrupsion.
Këtë javë një gazetë japoneze njoftoi se në vitin 2015 Park kishte miratuar një plan për larguimin e Kim Jong Un-it.
Në muajin maj, Koreja e Veriut akuzoi Shtetet e Bashkuara dhe Korenë e Jugut për një përpjekje të dështuar për vrasjen e udhëheqësit të tyre me armë biokimike.
(M.D/Shuplaka)
Discussion about this post