Detaje të reja dalin nga autori i dyshuar i vrasjes së dyshuar të komisarit Artan Cuku. Nga ajo që shkruan “News 24” Mikel Shallari ka pranuar të bashkëpunojë me policinë.
Po ashtu burime për këtë televizion thonë se dy janë pistat ku po heton policia: gjakmarrje dhe vrasje për shkak të detyrës.
Mësohet se Shallari do të flasë me policinë për emrat e porositësve, pasi tashmë është pothuajse e qartë se Shallari e ka kryer vrasjen kundrejt pagesës.
Mendohet se i riu ka marrë një shumë prej 25 mijë eurosh, në këmbim të vrasjes së Cukut.
Për zbardhjen e këtij Krimi policia vendosi dhe një shpërblim prej 10 milion lekë për të identifikuar Mikel Shallarin ndërsa të gjitha informacionet e publikut kanë qenë të pakta për të identifikuar të riun i cili u zbulua vetëm falë ADN-s.
Shallari prej disa kohësh jetonte në Tiranë në një godinë pranë qytetit Studenti ndërsa nga data 8 prill që kreu krimin rezulton se ka tentuar disa herë të largohet jashtë vendit. (E.K/SHUPLAKA)
