Pikë kthese/ Zjarri në Kashar mund të ketë qenë i qëllimshëm, kompania ishte në prag falimenti

Në lidhje me zjarrin që ra dje në fabrikën e riciklimit të mbetjeve në zonën e Kasharit kanë dalë detaje të reja në lidhje me pistat e hetimit.

‘’Fax News” mëson  se janë  marrë në pyetje disa nga punonjësit që ndodheshin në kompani. Ata kanë thënë se sapo kanë parë vatrën e zjarrit kanë dalë menjëherë sepse ishin në hyrje të magazinës.

Kanë lajmëruar zjarrëfikësin. Hetimet janë nisur për ngjarje aksidentale pasi dyshohet të ketë qenë një defekt teknik.

Hetimet janë duke vijuar edhe për zjarrëvënie të qëllimshme për shkak të ndonjë falimenti të mundshëm të kompanisë.

Punëtorët janë shprehur se kanë rreth 5 muaj që nuk janë paguar dhe për këtë gjë kërkojnë takim me pronarin e kompanisë.

Dje u raportua se kompania ishte e siguruar, dhe për pasojë do të kompesohet për dëmet nga zjarri.

(E.K/FAXWEB.AL)