Të gjithë janë kuriozë të dinë sesi ka shkuar Ilir Meta deri te vendimi i marrjes së Presidentit.
Shumë pikëpyetje u ngritën dhe shumë të tjera do të shtrohen në vijim sesi do të shkojë fati i LSI-së pa njeriu që e ideoi dhe themeloi atë.
Për të gjitha këto e të tjera pyetje Ilir Meta do të jetë i ftuar sonte në darkë te emisioni ‘’Opinion’’ i Blendi Fevziut duke filluar nga ora 22 e 15.
‘’Rrugëtimi i një Presidenti’’, kështu është titulluar emisioni i sotëm. Dhë më shumë sesa rrugëtimi i së ardhmes shumëkush do të dijë për të shkuarën dhe arsyet që e bën Metën të pranonte një përgjegjësi të tillë.
Vetë zëvendësi i tij në krye të LSI-së Petrit Vasili u shpreh se nuk ishte i lumtur që Meta ishte sakrifikuar në interes të stabilitetit të vendit.
Nga ana tjetër edhe bashkëshortja e tij Kryemadhi u shpreh e befasuar nga ky vendim. Për të gjitha këto Meta do të ketë padyshim nga një sqarim. (E.K/SHUPLAKA)
Discussion about this post