Një pikturë provokuese ekspozohet mes qytetit të Vlorës, qytetit ku u ngrit flamuri i Pavarësisë dhe u nënshkrua deklarata e ku Shqipëria u shpall shtet.
Meri File, piktore e specializuar në punimet nudo, ka menduar që kësaj here bash në Sheshin e Flamurit të vendosë punimin e saj më të fundit. Një kompozim që me siguri nxit debat: shqiponja dykrenare sipër vaginës dhe e kuqja te të mbathurat dhe zhartieri.
File ka pikturuar gjysmën e trupit të një gruaje nudo dhe sigurisht që pas kësaj kanë plasur debatet.
A mund të përdoren simbolet kombëtare në art për të dhënë këtë mesazh kaq provokues? A mbërrin te masa ky mesazh siç është ideuar apo krejt i ndryshëm? A është art dhe vetëm art?!
